بەبۆنەی جەژنی ڕەمەزانی پیرۆزەوە، مەکتەبی پارتی دیموکراتی کوردستان لە قاهیرە نیوەرۆخوانێكی بۆ بەشێک لە قوتابییانی عێراقی لە كورد و عەرەب و تورکمان ساز كرد کە لە زانکۆکانی قاهیرە و عەین شەمس و ئەزهەر درێژە بەخوێندن دەدەن.
شێرکۆ حەبیب بەرپرسی مەکتەبی پارتی لە وڵاتی میسر وێڕای پیرۆزبایی جەژنی رەمەزانی پیرۆز، هیوای خواست سەرجەم قوتابیان سەرکەوتووبن لە بواری خوێندنیان و بتوانن بڕوانامە بەرز بەدەستبهێنن بۆ ئەوەی خزمەتی گەل و وڵاتیان بکەن.
لە تەوەرێکی دیکەدا بەرپرسی پارتی لە وڵاتی میسڕ ئامادەیی بەهاناوەچوون و چارەسەرکردنی هەر گرفتێکی قوتابییانی لە قاهیرە خستەڕوو بە هەماهەنگی لەگەڵ بالوێزخانەی عێراقی.
هەروەها ئاماژەی بە ئاسانكاری زانکۆکانی میسڕ کرد بۆ وەرگرتنی قوتابییانی كورد و عێراقی، ئەوەشی خستەڕوو کە زانكۆی ئەزهەر ساڵانە چەندان قوتابیی کورد و دەرچووانی پەیمانگای ئەزهەر لە بەشە جیاجیاکانی زانکۆی ئەزهەر وەردەگرێت.
لای خۆیانەوە قوتابییان سوپاسی مەکتەبی پارتیان کرد كە هەمیشە لە سەرجەم بۆنەكان هەوڵی کۆکردنەوەی سەرجەم پێکهاتەکانی عێراق دەدات لە وڵاتی میسڕ.
کۆمێنت (0)
تا ئێستا هیچ کۆمێنتێک نەکراوە.