Erbil 15°C سێشەممە 18 حوزەیران 02:37

زانیاری لەبارەی دەنگۆی هێرشكردنە سەر پاسێكی زیارەتكارانی شیعە لە سووریا

کوردستان TV
100%

باڵیۆزخانەی عێراق لە سووریا هەواڵی هێرشكردنە سەر پاسێكی زیارەتكارانی شیعەی عێراقی لەناو خاكی سووریا بە درۆ خستەوە.

باڵیۆزخانەی عێراق لە سووریا لە بەیاننامەیەكدا رایگەیاند: بەشێك لە میدیاكان و پەیج و تۆڕەكانی كۆمەڵایەتی دەنگۆی ئەوەیان بڵاو كردەوە كە ئەمڕۆ پاسێكی زیارەتكارانی عێراقی لەناو خاكی سووریا هێرشی كراوەتە سەر و بەهۆیەوە سەرجەم ئەندامانی ناو پاسەكە كوژراون.

راشیگەیاند: ئەم هەواڵە دوورە لە راستییەوە و ئەمڕۆ هیچ پاسێكی گواستنەوەی زیارەتكارانی عێراقی لەناو خاكی سووریا هێرشی نەكراوەتە سەر.

هەروەها رایگەیاند: تەنیا یەك رووداو بووە و ئەویش بەرەبەیانی رۆژی شەممەی رابردوو بووە كاتێك ئۆتۆمبێلێكی تایبەتی عێراقی لە پارێزگای دێرەزوور بە چەكی قەناس تەقەی لێ كراوە و بەهۆیەوە هاووڵاتییەكی عێراقی لەناو ئۆتۆمبێلەكە گیانی لەدەستداوە.

ئاماژەی بەوەش دا كە لەسەر ئەم رووداوەش لایەنە ئەمنییەكانی سووریا ئیجرائاتیان كردووە و ئەوانیش وەك باڵیۆزخانەی عێراق بەردەوام لەسەر هێڵن بۆ دۆزینەوەی تاوانباران بۆ ئەوەی بە سزای یاسایی بگەیەنرێن.

رۆژهه‌ڵاتی ناوه‌راست عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.