پارێزگارێ دهۆکێ پێشوازیی ل رێڤەبەرێ رێکخراوا MAG کر

ئەڤرۆ رۆژا ئێکشەمبی 22-8-2021 ”د.عەلی تەتەر” پارێزگارێ دهۆکێ پێشوازیی ل بەرێز “جاک مورگان “ رێڤەبەرێ رێکخراوا MAG ل هەرێما کوردستانێ کر.
درۆنشتنێ دا ب بەرهەڤبوونا خانم “شیلان سامر” رێڤەبەرا گشتی یا کاروبارێن مینا ل پارێزگەها دهۆکێ بەحس ل کاروچالاکیێن رێکخراوا ناڤبری دماوێ ٢٩ سالێن بوریدا و بەرنامێ وان بو داهاتی هاتەکرن. 
دپەیڤەکێدا پارێزگارێ دهۆکێ سۆپاس کاروچالاکیێن رێکخراوا ئێم.ئەی.جی دماوێ بوریدا بۆ پاقژکرنا زەڤیێن مین رێژکری و هوشیاریا هاولاتیان دبیاڤێ مین و تەقەمەنیان داکر و راگەهاند: سەرەرای ئەو کارێ مەزنێ هاتیە ئەنجامدان هێشتا هژمارەکا زۆرا زەڤییێن مین رێژکری ماینە و مەترسی ل سەر ژیانا هاولاتیان هەیە هیڤیدارین دبەردەوام دئەرکێ خۆدا بو داهاتی.
ژلایێ خۆڤە بەرێز مورگان رێڤەبەرێ رێکخراوێ ل هەرێما کوردستانێ سۆپاسیا هەماهەنگی و تەنسیقا حکومەتا هەرێما کوردستانێ کر و دیارکر بێی ئەو هەڤکاری و هەماهەنگی ئەم نەدشیاین ڤان کاروچالاکیان ئەنجام بدەین.
پاشان پلانا سێ سالی یا رێکخراوێ بو داهاتی هاتە گەنگەشەکرن و ئەو پێشنیارێن بۆ باشترکرنا کاری هاتنە بەحسکرن.