ئەڤرۆ رۆژا ئێکشەمبی رێکەفتی ٢٠٢١/٦/١٣"د.عەلی تەتەر" پارێزگارێ دهۆکێ پێشوازیی ل بەرێز "ئۆلیڤەدیکوتینی" کۆنسلێ گشتی یێ کۆمارا فرەنسا ل هەرێما کوردستانێ و شاندەکێ وەزارەتا دەرڤە یا فرەنسا ژسەنتەرێ روبروبوونا قەیرانان کر.
دهەڤدیتنێدا باس ل رەوشا پارێزگەها دهۆکێ و دوماهی پێشهاتێن دەڤەرێ هاتەکرن و دپەیڤەکێدا پشتی بخێرهاتنێ کۆنسلێ فرەنسا هەڤخەمیا خۆ دەربری بۆ رۆیدانا ئاگربەربوونا کەمپا شاریا و بەرهەڤیا وەلاتێ خۆ بۆ هەرهاریکاریەکێ دیارکر و پاشان دپەیڤەکێدا بەحسێ پرۆژێن خزمەتگۆزاری یێن کۆمارا فرەنسا بۆ هەرێما کوردستانێ و عیراقێ کر و راگەهاند پارێزگەها دهۆکێ جهەکێ تایبەت یێ هەی چۆنکی نێزیکی وان دەڤەرانە ئەڤە چەند سالە شەرو ئالۆزی تێدا هەنە و هاتنا وێ هژمارا زۆرا ئاوارە وپەنابەران و هەتا نۆکە ل پارێزگەها دهۆکێ دئاکنجی نە هەر ژ سالا ٢٠١٤ێ وەرە سەنتەرێ قەیرانان پشتەڤانیا پرۆژان دکەت و ئەڤرۆ ژی بۆ ڤێ مەرەمێ شاندەکێ سەنتەرێ ناڤبری کو سەر ب وەزارەتا دەرڤەیە دگەل مەدایە ژبۆ دیڤچوونا ئەو جهێن پێدڤی خزمەتگۆزاریێن مرۆڤایەتی، هەردبەردەوامیا پەیڤا خۆدا کۆنسلێ گشتی یێ کۆمارا فرەنسا ل هەرێما کوردستانێ ل دۆر سەرەدانا خۆ بۆ دەڤەرا ئامێدیی و ژ نێزیک دیتنا شینوارێن دەڤەرێ و گرنگیا نۆیژەنکرنا وان شینواران دانوستاندن دگەل پارێزگارێ دهۆکێ کر .
پارێزگارێ دهۆکێ سۆپاسیا شاندێ مێهڤانکر و گۆت: ئەم گەلەک سۆپاسیا کۆمارا فرەنسا دکەین کو ئەڤە دەمێ چەندین سالانە پەیوەندیێن مە دئاستەکێ گەلەک باشدانە و بەردەوام ژلایێ مرۆڤایەتی و خزمەتگۆزاری ڤە هاریکاریا هەرێما کوردستانێ کریە و هیڤیدارین دهەمی لایەکیدا رەنگڤەبدەت و بەرەڤ پێشڤەچوونێن زێدەتر بچیت.
پارێزگارێ دهۆکێ پێشوازی ل کۆنسل و شاندەکێ وەزارەتا دەرڤە یا فرەنسا کر
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.