لەسەرفەرمان و ڕاسپاردەی پارێزگاری هەولێر، هەڵمەتی دابەشکردنی سێتی تەندروستی بەسەر هاوڵاتییان دەستیپێکرد

 ئەمڕۆ چوارشەمە 2021.5.26، لەسەرفەرمان و ڕاسپاردەی ئومێد خۆشناو، پارێزگاری هەولێر و بەئامادەبوونی بەڕێوەبەری گشتیی تەندروستی هەولێر و بەڕێوەبەری لقی هەولێری کۆمەڵەی مانگی سوری عێراقی، بەمەبەستی ڕێگەگرتن لەبڵاوبوونەوەی ڤایرۆسی کۆڕۆنا و بەرزکردنەوەی ئاستی هۆشیاری و پاراستنی هاوڵاتییان لەشاری هەولێر و دەوروبەری، پارێزگای هەولێر بەهاوکاری ڕێکخراوی خاچی سوری فەرەنسی، لەهەڵمەتێکدا دەستیانکرد بە دابەشکردنی (16٫500) شازدە هەزار و پێنجسەد سێتی تەندروستیی لە سنووری پارێزگای هەولێر.
جێگەی باسە، لەهەڵمەتەکەدا جگە لە دابەشکردنی سێتی تەندرووستی بەسەر هاوڵاتییان، لەهەمانکاتدا لەلایەن کەسانی پسپۆڕ و تایبەتمەندەوە هۆشیاری خۆپارێزیش دەدرێت بەخێزانەکان.