لی ٢٠١٧/١٠/١ پشتی پێنج رۆژان ژ بورینا رێفراندوما سەرخوبانا کوردستانی خەلکی کەتالونیا بریار لی چارەنڤیسی خو دەدا و وەک میدیاکارەک لی دەستپێکا رۆژەکا بارانی گەرماتیا خەلکی ڤی وەلاتی ژ هەستی وان خویا بو پشتی بورینا چەند دەمژمێران من خو گەهاندە سەنتەرەکی دەنگدانی و خەلکەکی زیدە زۆر لی پیش دەرگەهین ناڤەندا دەنگدانی ئامادە ببون گەلەک ژ وان پرسیار ژ من دەکر ئەز بو چ کانالەکی کار دەکەم و ژ کیژان وەلاتی چویمە کەتەلونیا ، ژبەر سەرقال بون بکاری ڤە من لبرا دەدیت هیندەک کەسان وێنە ژ لوگویی مایکا من دەگرتن و نڤێسینا سەر دەخاند // کوردستان تی ڤی/// گەنجەک کو لناڤا رێزا دەنگدەران چاڤەرەیی چونە ژوری بو بو دەنگدانی دەما زانی کو ئەز ژ کوردستانی بو رومالا رێفراندوما کەتەلونیا چویمە بارسیلونا لناڤا رێزا دەنگدەران دا هاتە دەر و بەرڤ رۆیی من هات و گەلەک کیفا خو بمن ئینا و گوت ئەم ژی وەک کوردستانیان سەربەخویی دخازین. ئەم دەزانین کو هەوە ژی دەنگ ب بەلی دایە بو سەربەخویی ،گەلەک قەرەبالغ بو ویی دەمی و وەک من گووتی نە بتنی ئەو بەلکو دیار بو گەلەک ژ خەلکی دەن یی کەتەلون دەمی کامیرا و لوگویا دەی دەستی مندا دخاند //کوردستان تی ڤی // ب گەرمی پیش من دهاتن و دخاستن من لی باوەشا خو بگرن و پیروزباهێن رێفراندوما کوردستانی لی من بکەن و دەگوتن ئەم کوردستانی دناسین و دەزانین ئەو ژی ئازادیخوازەن و دەنگدان کریە کو ژی عیراقی جودا ببن و ئاخا کوردان بەشەک نیە ژ ئاخا عەرەبان . نها ژی پشتی ٥ سالان دەمێ ڤی وێنەیی دەبینم هەستا ڤی گەنجی و گەلەک ژ وان کەسین لناڤا رێزا دەنگدەران بەرڤ سەندوقین دەنگدانی ب هەستەکی ئازادیخوازانە دەچون وەک گەلی کورد کو لی ٢٥ مەها ئیلولی دەنگ دابون گەلەک کارتیکرنی لمن دەکەت و هەر لپیش چاڤێ من ئەو دەم و دێمن زێندی دەبیت و ب تایبەت ئەو گەنج کو ژ ناڤا کومەکا خەلکی دەرچویی و ب گەرمی گوتی، "بەس ئەڤ سیڤە لناڤا جەنتا منە مایە " و پیشکیشی من کریی.،
