Hêviya xweşî û şadiyê bo wan dixwaze.
Serok Barzanî bi minasebeta cejna ji dayikbûna hezretê Îsa Mesîh peyameke pîrozbayî pêşkêş kir ku ev jî naveroka vê peyama hane;
Bi navê xwedayê mezin û dilovan
Bi minasebeta serê sala nû ya zayînî û cejna ji dayikbûna hezretî Mesîh (silavên xwedê li ser wî bin) germtirîn pîrozbahiyên xwe pêşkêşî hemû xûşk û birayên mesihiyên li Kurdistan û Iraq û cîhanê dikim û hêviya şadî û bexteweriyê ji bo wan dixwazim.
Bi vê minasebetê tekez li ser bihêztir kirina çanda bihevre jiyanê û birayetiya di navbera pêkhatên Kurdistanê dikim û hêviya wê yekê jî dixwazim xûşk û birayên me yên Mesîhî (Krîstiyan)hemû cejn û helkeft û xweşiyên xwe li aramî û tebayiyê da bi rê bikin. Hêvîdarim ev helkeft destpêkek bê ji bo pêkhatina aştî û aramiya li navçeya me û hemû cîhanê da.
Mesûd Barzanî
24.12.2024
komênte (0)
heta niha komênt nehatiye nivîsandin