Senatorên Amerîkî gef li Tirkiyeyê dikin

Dibêjin emê bi dijwarî Tirkiyeyê ceza bikin.

Du Senatorên Amerîkî ji her du basikên komarî û demokrat li Kongrêsa Amerîkayê, peyameke hevbeş belav kirine û têde gef li Tirkiyeyê kirine.

Senator Chris Van Hollen ji demokratan û Senator Lendsy Graham ji Komariyên nava Kongrêsê di peyama xwe ya hevbeş de behsa vê yekê kirine ku, eger Tirkiye êrîşî ser Kurdan li bakûr û rojhilatê Sûriyeyê ku, hevpeymanên rastîn yên Amerîkayêne bike, vê demê Amerîka bêdeng namîne û bi dijwarî Tirkiye ceza bike.

Ev du Senatorên han herwiha diyar kirine ku, eger Tirkiye pêşniyarên Mezlûm Ebdî jî bo agirbestê qebûl neke dîsa tê cezakirin.