Serok Barzanî pêşwaziya balyozê nû yê Îmaratê kir

Rewşa Kurdistanê bi mînakeke baş bo Rojhilata Navîn dizane.

Îro li Pîrmamê Serok Barzanî pêşwaziya balyozê nû yê Îmaratê yê li Îraqê birêz Ebdulah Meter Elmezrûyî kir.

Di civînê de balyozê nû yê Îmaratê li Îraqê kêfxweşiya xwe ya li hember serdana xwe bo herêma Kurdistanê û hevdîtina xwe li gel Serok Barzanî diyar kir û silav û rêzên taybet yên Serokê Îmaratê gehandine Serok Barzanî û herwiha stayîşa gelê Kurdistanê, hikûmet û dezgehên herêma Kurdistanê kir bo dabîn kirina ewlekarî, aramî û hewlên bo avedan kirinê.

Ji aliyê xwe ve Serok Barzanî jî bi germî bixêr hatina balyozê nû yê Îmaratê kir û hêviya serkeftinê bo xwest û xwestek û aqiliyeta Îmaratê bo avedan kirin û geşe pêdanê bi mînakeke baş wesif kir û tekez li ser dostatî û nêzîk bûna navbera gelên Kurdistanê Îmaratê kir û daxwaz kir daku, têkiliyên du alî zêdetir berfir û bihêz bibin.