Amerîka çend navendên çekdarên Îranî bordiman kir

Ev navend li Ebû Kemalê bûne.

Navenda çavdêriya mafên mirovan ya Sûriyeyê ragihand ku, şeva derbasbûyî balefirên cengî yên Amerîkayê çend navendên çekdarên Îranî li Ebû Kemal û derdorê balefirxaneya leşkerî ya Dêra Zorê bordiman kiriye û di encama bordimana han de dengê teqînên gelek mezin li deverê de hatiye bihîstin.

Weke tê zanîn ev sê roje ku, Amerîka bi berdewamî çekdarên Îranî û navendên çekdarên Îranî li Ebû Kemalê bordiman dike.

Ji aliyeke din ve her duhê li derdorê Dêra Zorê di navbera hêzên HSD û çekdarên Îranî de pevçûn qewmî bû û hêzên HSD karîbûn 7 gund ji destê çekdarên Îranî rizgar bikin.