Serok Barzanî pêşwaziya balyoza Amerîkayê kir.
Îro li Pîrmamê Serok Barzanî pêşwaziya balyoza Amerîkayê li Îraqê Alina Romanuski kir ku, jiber bi dawî hatina dema pîwerdariya xwe serdana Serok Barzanî kiribû.
Di civînê de balyoza Amerîkayê careke din jiber serkeftina prosesa hilbijartinê ya parlementoya Kurdistanê pîrozbayî li Serok Barzanî kir û ragihand ku, diyarî kirina roja yekem civîna parlementoya Kurdistanê pêngaveke gelek girînge û hêvî xwest civîna aliyên siyasî yên herêma Kurdistanê encamên baş jê derkevin û bilez li ser ava kirina kabîneya 10an lihev bikin.
Balyoza Amerîkayê Alina Romanuski spasiya Serok Barzanî kir ku, piştîvaniya wê kiriye di dema pîwerdariya xwe de û serdana dawî ya Serok Barzanî bo Bexdayê jî bi girîng wesif kir û eşkere kir ku, ev serdana han bûye sedema zêdetir lihev nêz bûna aliyên siyasî û baştir bûna têkiliyên navbera hikûmeta herêmê û hikûmeta federalî.
Ji aliyê xwe ve Serok Barzanî jî spasiya balyoza Amerîkayê kir û hêviya serkeftinê di pîwerdariya nû de jê re xwest û balkêşande ser têkiliyên navbera Amerîka û herêma Kurdistanê ku, pêşveçûnên baş di vê warî de hatine bidestxistin û hêviya berfire bûna têkiliyên du alî xwest.
Rewşa siyasî, pêşhatên dawî, astengî û guhertinên heyî yên li deverê, metirsiyên serhildan û bihêzbûna terorê û rêkarên pêwîst yên bo parastina aramiya Îraq û deverê mijarên din yên vê civînê bûn.
komênte (0)
heta niha komênt nehatiye nivîsandin