Mesrûr Barzanî: Armanc ji enfalê jinav birina gelê Kurdistanê bû

Bo 36mîn salvegera enfala Badînan peyamek belav kir.

Serokwezîrê Kurdistanê Mesrûr Barzanî di bîranîna 36mîn salvegera enfala Badînan de peyamek belav kir ku, ev jî naveroka vê peyamê ye;

Îro bi rêzdarî ve qurbaniyên enfala Badînan bibîr tînin ku, beriya 36 salan di çarçoveya pêla dawiya Enfala reş, rejîma Bes, bi hezaran mirovên bêtawan yên devera Badînan şehîd û wenda kir, bi sedan gundên vê deverê jî wêran kir ku, di encam de bûye sedema awarebûna bi deh hezaran kes.

Armanc ji wan tawanên qirêj, qir kirin û genocide kirina gelê Kurdistanê bû, lê tawanbar û bikerên ev komkujiyên han nikarîn îrade û xwesteka azadîxwazane ya gelê Kurdistanê ji nav bibin.

Di vê bîranîna han de tekez li ser vê yekê dikin ku, lazime hikûmeta federalî erkê xwe yê qanûnî û exlaqî bicîh bîne û bi awayeke hêja kesûkar û malbetên şehîdên enfalkiriyên destê rejîma berê ya Îraqê qerebû bike. Di vê derbarê de hikûmeta herêma Kurdistanê berdewam dibe li ser hewldanên xwe û tişta ku, di karîna hikûmetê de be bo xizmet kirina zêdetir ya kesûkarên şehîd û enfalkiriyan, xwe ji navekêşe.

Silav bo rihê paqêj ya enfalkiriyên Badînan û tevahiya şehîdên Kurdistanê.

Serokê hikûmeta herêma Kurdistanê

Mesrûr Barzanî