Behsa têkiliyên Brîtanyayê yên li gel Îraq û Kurdistanê hate kirin.
Îro Serokê herêma Kurdistanê Nêçîrvan Barzaî pêşwaziya balyozê Brîtanyayê yê li Îraqê Stephen Hitchens kir. Û di civînê de giftûgo derbarê têkiliyên Brîtanyayê yên li gel Îraq û Kurdistanê, rewşa Îraqê, hilbijartinên parlementoya Kurdistanê û rewşa navxweyî ya herêma Kurdistanê û têkiliyên navbera Hewlêr û Bexdayê hate kirin.
Di civînê de her du alî tekez li ser berdewamiya giftûgoyên heyî yên bo çareser kirina kêşeyên navbera Hewlêr û Bexdayê li ser esasê destûrê û parastina mafên tevahiyan hatiye kirin û di vê derbarê de jî Nêçîrvan Barzanî ev yek diyar kiriye ku, kilîla aramiya Îraqê lihev kirina Hewlêr û Bexdayê ye bo çareser kirina hertimî ya kêşeyan û cîhbicîh kirina destûrê.
Li ser girîngiya meşandina hilbijartinên parlementoya Kurdistanê bi beşdariya tevahiya aliyan û pêkhateyan di demeke goncaw ya îsal de her du alî hemfikir bûn û balyozê Brîtanyayê jî stayîşa hewlên Serokê herêmê yên bo meşandina hilbijartinan kir.
komênte (0)
heta niha komênt nehatiye nivîsandin