Li Îstenbûlê herî kêm 300 kes hatine girtin

Duhê rewşa vê bajarê gelekî aloz bû.

Duhê di roja cîhaniya Karkeran de li Îstenbûlê xwepîşandanên mezin hatin organîzekirin û di encama xwepîşandanên han de alozî di navbera Xwepîşander û hêzên polîs de derket û herî kêm 300 kes ji aliyê polîsan ve hatin girtin.

Çend roj beriya roja cîhaniya Karkeran wezareta navxwe ya Tirkiyeyê û Walîtiya Îstenbûlê diyar kiribûn ku, xwepîşandan li meydana Teqsîmê qedexeye lê hin partiyên opozîsiyonê û sendakayê karkeran li ser xwepîşandanê li meydana Teqsîmê bi îsrarbûn lewre di navbera xwepîşander û polîsan de pevçûn çê bû û herî kêm 300 xwepîşander hatin girtin.

Herwiha hikûmeta jî spasiya hêzên ewlekarî dike û rexneyên tund li opozîsyonê dike û dibêje opozîsyon dixwaze rewşa Tirkiyeyê aloz bike û li hember de jî opozîsyon vê yekê red dike û dibêje desthilat ji xwe ditirse û desthilatek ku, pişta xwe bi zorê girê bide vê di demeke nêz de were hilweşandin.