Serokê herêmê û balyoza Amerîkayê civiyan

Behsa têkiliyên navbera Kurdistan û Amerîkayê de kirin.

Îro Serokê herêma Kurdistanê Nêçîrvan Barzanî li gel balyoza Amerîkayê li Îraqê Alina Romansky civiya.

Di civînê de giftûgo derbarê pêşhatên dawî yên rewşa siyasî û navxweyî ya Îraq û herêma Kurdistanê, têkiliyên Hewlêr û Bexdayê, mijara hilbijartinên parlementoya Kurdistanê û têkiliyên Amerîkayê yên li gel Kurdistan û Îraqê de hate kirin.

Her du alî nêrîên xwe yên derbarê girîngiya hilbijartinên parlementoya Kurdistanê de, têbînî û dilgiraniyên aliyan de anîn ziman û tekez li ser çareser kirina kêşeyên Hewlêr û Bexdayê li ser esasê destûrê û parastina mafên tevahiya aliyan kir.

Metirsî û gefên terorê û çend mijarên din yên cîhê girîngiya hevbeş babetên din yên vê civînê bûn.