Sîsî: Nabe Îsraîl dest bi operasiyonê bike

Îsraîl jî dibêje emê operasiyona bejayî dijî Refeh bidin destpêkirin.

Serokkomarê Misirê Ebdulfetah Sîsî di konferanseke çepemeniyê de li gel Serokwezîrê Holendayê Mark Rotte de behsa rewşa Xezeyê kir û derbarê amadekariyên Îsraîlê yên bo destpê kirina operasiyona bejayî li dijî bajarê Refeh huşdarî da.

Sîsî eşkere kiriye ku, nabe Îsraîl êrîşî ser bajarê Refehê bike û Îsraîl li hember selametiya canê 1 miliyon û 500 hezar kesan li Refehê berpirsiyare.

Sîsî tekez li ser vê yekê kiriye ku, operasiyon bo ser Refeh dibe sedema çêbûna karesatên mezin yên însanî û rewşê bi yekcarî aloz dike.

Ji aliyê xwe ve Amerîka jî dijî vê operasiyonê ye lê Îsraîl li ser operasiyonê bi îsrare û amadekariyên xwe kiriye û tê payîn di demeke nêz de ev operasiyon destpê bike.