Mesrûr Barzanî: Xelkê Kurdistanê rê nade Îraq vegere serdema dîktatoriyetê

Bi minasebeta rêkeftinnameya 11ê Adarê peyamek belav kiriye.

Îro Serokwezîrê Kurdistanê Mesrûr Barzanî bi minasebeta salvegera rêkeftinnameya 11ê Adara 1970an de peyamek belav kir ku, ev jî naveroka vê peyamê ye;

Îro 54 sal bi ser ragihandina rêkeftinnameya 11ê Adara 1970an re derbas dike ku, destkefteke dîrokî ya şoreşşa mezin ya Îlonê bû bi Rêberatiya Barzaniyê Nemir.

Şoreş, berxwedan û qurbanîdana gelê Kurdistanê hikûmeta vê demê ya Îraqê neçar kir beşek ji mafên reva yên gelê Kurdistanê qebûl bike. Bi taybetî rêkeftin li ser serrast kirina destûra vê demê û qebûl kirina vê yekê ku, Îraq ji du neteweyên Kurd û Ereb pêk hatiye û destûr jî mafên netewî yên gelê Kurd qebûl dike.

Lê pişt re rejîma vê demê ya Îraqê ji rêkeftinê vekêşiya û pena bire ber şer û dijatî kirina xelkê Kurdistanê û di encam de Îraq rastî malwêranî û karesatên mezin kir ku, heta niha jî xelkê Îraqê baca vê yekê didin.

Di vê bîranîna han de tekez li ser girîngiya parastin û rêzgirtin ji mafên destûrî yên gelê Kurdistanê û pêgeha destûrî ya herêma Kurdistanê dikin. Xelkê Kurdistanê ti carî rê nade mafên wî werin binpêkirin û zilim lê were kirin û Îraq bo serdama dîktatoriyetê were vegerandin.

Serokê hikûmeta herêma Kurdistanê

Mesrûr Barzanî