Serokwezîrê Kurdistanê û wezîrê derve yê Amerîkayê civiyan

Behsa têkiliyên navbera Kurdistanê û Amerîkayê kirin.

Îşev Serokwezîrê Kurdistanê Mesrûr Barzanî li Washîngtonê li gel wezîrê derve yê Amerîkayê civiya û piştî civînê jî Serokwezîr wisa nivîsand;

Îro duşem li Washingtonê li gel wezîrê derve yê Amerîkayê birêz Antony Blinekn civiyan.

Di civîneke dostane de me giftûgo derbarê çend mijarên cîhê girîngiya hevbeş û têkildar bi pêşde birina têkiliyên du alî û çareser kirina kêşeyên navbera herêma Kurdistanê û hikûmeta federalî de kir.

Di destpêka civînê de wezîrê derve yê Amerîkayê balkêşande ser girîngiya herêma Kurdistanê weke hevbeşeke xwedan girîngî ya Amerîkayê û tekez li ser vê yekê kir ku, hevbeşiya me li ser buhayên hevebş, berejwendiyên hevbeş û bihevre qurbanîdana hevbeş hatiye avakirin.

Wezîrê derve yê Amerîkayê kêfxweşiya xwe ya li hember serdana me bo Washîngtonê diyar kir û tekez li ser berdewamiya piştîvaniya Amerîkayê bo parastina asayîş û aramiya herêma Kurdistanê weke pêgeheke federalî di çarçoveya Îraqê de kir.

Me jî spasiya piştîvaniyên berdewam yên Amerîkayê bo herêma Kurdistanê weke hevbeşeke Amerîkayê kir û bihevre çend qonaxên dijwar derbas kirine û bi hêvîne bihevre rûbirûyê astengî û arîşeyên nû bibin.

Parastina asayîşa herêma Kurdistanê, çareser kirina kêşeyên bûdce û dabîn kirina şayîsteyên darayî û mafên destûrî yên xelkê Kurdistanê û rêz girtin ji sîstema federalî û pêgeha destûrî ya herêmê û parastina mafên pêkhateyên Kurdistanê û destpê kirina henarde kirina petrola herêmê û cîhbicîh kirina rêkeftina Şingal û derketina çekdarên derqanûnî ji vê deverê mijarên din yên vê civînê bûn.

Em her du alî li ser vê yekê ku, biryarên dadgeha federalî û pêngavên dijî herêm û sîstema federalî li Îraqê cîhê dilgiraniyêne hemfikir bûn û tekez li ser vê yekê kir lazime rêz ji pêgeha destûrî ya herêmê û sîstema federalî û bingehên demokrasiyê li Îraqê were girtin û her du alî tekez li ser vê yekê kir ku, lazime herêma Kurdistanê bi awayeke dadmend para xwe ji bûdceyê bistîne.