Agir bi navendeke artêşa Îraqê ket

Artêşa Îraqê dibêje teqîn çê nebûye.

Duhê bişev agireke mezin kete navendeke mezin ya çek û cebelxaneya artêşa Îraqê ya li Bexdayê.

Çapemeniya Îraqî duhê şev belav kir ku, bi rê ya balefiran êrîşî ser vê navendê hatiye kirin û navend bi temamî hatiye şewitandin.

Lê piştî demek ji belav bûna wan nûçeyan, artêşa Îraqê daxuyaniyek da û ragihand ku, ev navend nehatiye bordimankirin belkû agir girtiye.

Artêşa Îraqê ti zaniyariyên zêdetir li ser vê bûyerê belav nekiriye.