Amerîka: Welatên Erebî petrolê weke çek bikar nahînin

Dibêje welatên Erebî gerentî dane Amerîkayê.

Şêwirmendê Koşka Spî Amos Hookstein di daxuyaniyekê de derbarê şerê navbera Hemas û Îsraîlê de ragihand ku, şerê navbera Hemas û Îsraîlê didome û hewldanên heyî yên bo azad kirina dîlan û bi dawî anîna şer jî berdewamin.

Amos Hookstein di beşeke din ji gotinên xwe de ev yek aniye ziman ku, raste petrol çekeke gelek bibandore lê welatên Erebî gerentî dane Amerîkayê ku, bi ti awayî li ser şerê navbera Hemas û Îsraîlê de petrol weke çek bikar nahînin.

Weke tê zanîn beriya niha rejîma Îranê bi taybetî Rêberê şoreşa Îranê Elî Xamneyî çend caran daxwaz kiribû welatên Erebî û îslamî petrolê nedin Amerîka û Îsraîlê, lewre ev daxuyaniya Amos weke bersifdayîneke bo Îranê jî.