Tirkmenistan gaza Îraqê dabîn dike

Pêdiviya Îraqê bi Îranê namîne.

Pisporên Îraqî qala vê yekê dikin ku, piştî îmze kirina rêkeftineke girîng ya di navbera Îraq û Tirkmenistanê de ya bo hawirde kirina gaz ji Tirkmenistanê bo Îraqê, vê pêdiviya Îraqê bi gaza Îranê nemîne û Tirkmenistan di warê dabîn kirina gazê de cîhê Îranê digire.

Pisporên Îraqê diyar kirine ku, gaza Tirkmenistanê yaku, bo Îraqê tê şandin bersifa tevahiya pêdiviyên Îraqê yên bo hêlbirîna elektirîkê dide lewre Îraq pêdiviya xwe bi Îranê namîne.

Ji aliyeke din ve hin rayedar û pisporên Îraqî jî rexne li vê rêkeftina han dikin û dibêjin lazime Îraq di şûna hawirde kirina gazê ji derve, girîngî bi gaza herêma Kurdistanê bide.