Amerîka: Îran çek şandiye Sûriyeyê

Dibêje di bin navê hevkariyên însanî de Îran çek bo Sûriyeyê şandiye.

Rojnameya Washington post ya Amerîkî li ser zarê rayedarên îstîxbaratî yên Amerîka û Îsraîlê belav kir ku, rejîma Îranê berdewame li ser şandina çek û cebelxaneyan bo rejîma Sûriye û komên çekdar yên Îranî yên li Sûriyeyê.

Rojnameya nav hatî nivîsandiye; Rayedarên îstîxbaratî yên Îsraîlî û Amerîkî belge di destê wan de hene ku, Îran di wan demên dawî de di bin navê gehandina hevkariyên însanî bo zirardîtiyên erdhejê li Sûriyeyê çek û cebelxane şandiye Sûriyeyê û radestî rejîmê û komên çekdar yên ser bi Îranê kiriye.

jêderê diyar kiriye ku, Îran hem ji rejîma Sûrî û him jî ji komên çekdar daxwaz kiriye daku, bi wan çekan êrîşî ser hêzên Amerîkî yên li Sûriyeyê bikin.