Serokwezîrê Kurdistanê peyamek pêşkêşî Karkeran kir

Dibêje em mafên wan diparêzin û jiyaneke baştir bo wan dabîn dikin

Serokwezîrê Kurdistanê Mesrûr Barzanî bi minasebeta roja cîhaniya Karkeran peyamek pêşkêş kir ku, ev jî tekesta vê peyamê ye;

Bi minasebeta roja cîhaniya Karkeran, gerimtirîn pîrozbayî pêşkêşî Karkerên Kurdistan, Îraq û cîhanê dikim.

Bi rêzdarî ve li erk,  xebat û rola wan ya bo awedan kirina Kurdistanê dinêrin.

Hikûmeta herêma Kurdistanê berdewam dibe li ser prosesa reforman bo baştir kirina rewşa jiyana Karkeran li Kurdistanê de û di vê warî de di demên derbasbûyî de proje qanûna kar li herêma Kurdistanê hatiye pejrandin ku, beşeke ji reformên kabîneya 9an ya hikûmetê bo baştir kirina jiyan û misoger kirina mafên Karkeran di warê tendirostî, selametiya pîşeyî û dabîn kirina mafên wan yên qanûnî û danîna sînor bo her cure sitem û çewsandinek li ser Karkeran.

Roja Karkeran pîroz be û hêviya jiyaneke xweş bo wan dixwazim.

Serokê hikûmeta herêma Kurdistanê

Mesrûr Barzanî