Amerîka keştiya xwe ya cengî gehande peravên Sûriyeyê

Bo rûbirû bûna komên çekdar yên Îranî ev gav hatiye avêtin.

Wezareta berevanî ya Amerîkayê ragihand ku, keştiyeke xwe ya cengî ji behra reş bo peravên Sûriyeyê veguhastiye.

Di daxuyaniya wezareta berevanî ya Amerîkayê de hatiye diyarkirin ku, veguhastina keştiya han û nêz kirina vê bo peravên Sûriyeyê bo rûbirû bûna komên çekdar yên Îranî yên li Sûriyeyê ye ku, bi berdewamî êrîşî ser hêzên Amerîkî dikin.

Weke tê zanîn hefteya derbasbûyî komên çekdarên yên Îranî du caran êrîşî ser hêzên Amerîkî kiribûn û Amerîka jî bi dijwarî bersifa êrîşên han dabû.