Ev sê roj bi ser erdheja dijwar ya Bakûrê Kurdistanê re derbas dibe.
Erdheja bihêz ya 7.7 li ser pîwera rîşter yaku, 10 bajarên Bakûrê Kurdistanê û gelek bajar û bajarokên Rojavayê hejandibû, gelek zirarên canî û madî gehandiye şêniyên wan bajaran.
Mixabin li gor amarên herî dawî heta niha tenê li 10 bajarên Bakûrê Kurdistanê 6 hezar û 234 welatiyan canê xwe ji dest dane û 37 hezar û 11 welatiyên din jî birîndar bûne.
Hewldanên rizgar kirinê hîn jî berdewamin û car car jî nûçeyên xweş tên û rixmî derbas bûna sê rojan hin kes jî bi selametî têne rizgarkirin.
Li Rojava û Sûriyeyê jî herî kêm 2 hezar kes canê xwe ji dest dane û gelek kes jî birîndar bûne.
Li gelek bajarên Bakûrê Kurdistanê xelk gazindan ji hikûmetê dike jiber ku, hikûmet weke pêwîst bi hawara wan ve naçe û hevkariya wan nake, xelk bi îmkanên xwe yên tune hewl bo rizgar kirina qurbaniyan dide.
komênte (0)
heta niha komênt nehatiye nivîsandin