Nîveya navçeya Îslahiye tune bûye

Seroka Bajardariya Dîlokê dibêje nîveya zêdetir ya Îslahiyeyê tune bûye.

Hewldanên rizgar kirina zirardîtiyên erdhejê û kesên ku, di bin kavilan de mane berdewamin û heta niha li Bakûrê Kurdistanê zêdetir ji 3 hezar kesan canê xwe ji dest dane.

Di vê derbarê de Seroka bajardariya Dîlokê Fatme Şahîn daxuyaniyeke gelek xembar da û ragihand ku, navçeya Îslahiye hijmara şêniyên vê 60 hezar kese, gelek mixabin ku, nîveya vê tune bûye.

Nav hatî diyar kiriye ku, karesateke gelek mezin qewmiye û heta niha karesateke din ya bi vê rengî li deverê de nehatiye dîtin.