12 welatiyên din ji aliyê rejîmê ve hatin revandin

Di nava hefteyekê de 12 welatiyên Kurd aliyê rejîma Îranê ve hatine revandin.

Li gor nûçeyeke navenda mafên mirovan ya Hengawê, xwepîşandanên dijî rejîma Îranê li Rojhilatê Kurdistanê didomin û hêzên rejîma Îranê jî revandin, girtin û eşkence kirina xelkê didomînin.

Hengawê belav kiriye ku, duhê înê li bajarê Abdanan û çend bajarên din yên Rojhilatê Kurdistanê xwepîşandan li dijî rejîmê hebûne û tenê duhê hêzên rejîmê 3 welatiyên din yên Kurd revandine.

Çavkaniyê diyar kiriye ku, di nava hefteyekê de herî kêm 12 welatiyên Kurd ji aliyê hêzên rejîmê ve hatine revandin û heta niha jî çarenivîsa wan nediyare.

Ji aliyeke din ve hate zanîn ku, vê îsal jiber salvegera Şoreşa Îranê xelk amadekariyê bo xwepîşandanên berfiretir li dijî rejîma Îranê dikin û rayedarên Îranî jî huşdariya hilweşîna rejîma Îranê didin.