Îran navendeke xwe ya leşkerî li Sûriyeyê vala dike

Di rojên dawî de bi tundî êrîşî ser vê navenda han hatibû kirin.

Navenda çavdêriya mafên mirovan ya Sûriyeyê ( SHOR) belav kir ku, hêzên Amerîkî û hevpeymanan li Sûriyeyê bi taybetî li devera Elbûkemal ya li ser sînorên navbera Sûriye û Îraqê bi tundî çavdêriya liv û tevgerên çekdarên ser bi spaha Qudis ya Îranî dikin.

SHORê diyar kiriye ku, hevpeymaniya cîhanî ji tisa êrîşa çekdarên Îranî bo ser wan, bi berdewamî çavdêriya liv û tevgerên çekdarên Îranî dikin û bi berdewamî êrîşî ser navenda sereke ya wan çekdaran ya li Ebûlkemalê dikin.

SHORê behsa êrîşên rojên derbasbûyî yên bo ser navenda leşkerî ya Ebûlkemalê kiriye û nivîsandiye piştî ji nav birina karwaneke leşkerî ya Îranî li deverê de, di heman roj de du carên din êrîşî ser navenda çekdarên Îranî û komên çekdar  yên ser bi Îranê hatiye kirin lewre Îran jî ji tirsa wan êrîşan û jiber wendahiyên xwe yên mezin biryar daye daku, navenda xwe ya leşkerî ya li Ebûlkemalê vala bike û niha gelek beşê vê navendê hatine valakirin û tê payîn di nava çend rojên pêşiya me de ev navend bi temamî were valakirin.

Weke tê zanîn Ebûlkeman li ser sînorê Îraq û Sûriyeyê ye û deriyeke sînoriye bo hatûçû kirina çekdarên Îranî ji Îraqê ve bo Sûriyeyê.