Rûbara Hewêze li Başûrê Îraqê hat zindî kirin

Avên baranê bo vê rûbarê diherikin.

Wezareta çavkaniyên avê ya Îraqê ragihandiye ku, piştî hewldaneke zêde karîne rûbara Hewêze ya li parêzgeha Mîsan ya li Başûrê Îraqê ji hişik bûnê rizgar bikin.

Li gor daxuyaniya han, wezareta çavkaniyên avê bi hevkarî û hemahengiya li gel aliyên din yên têkildar karîne çend projeyên curbicur bo kom kirin û şandina avên ku, di encama baran barînê de diherikin, bo nava rûbara Hewêze bişînin û di encama wan projeyan de niha ev rûbara han dîsa hatiye zindî kirin û ji metirsiya hişik bûnê rizgar bûye.