Wezîrên berevanî yên Tirkiye û Sûriyeyê kom dibin

Ev civîna han pêşniyara Serokkomarê Tirkiyeyê ye.

Wezîrê berevanî yê Tirkiyeyê ji çapemeniya Tirk re ragihandiye ku, vê li ser daxwaz û pêşniyara Serokkomar Receb Teyyib Erdogan li gel wezîrê berevanî yê Sûriyeyê bicive.

Wezîrê berevanî yê Tirkiyeyê Xilûsî Akar diyar kiriye ku, li ser pêşniyar û daxwaza Serokkomar, Receb Teyyib Erdogan civîneke sê alî di nabvera wezîrê berevanî yên Tirkiye, Sûriye û Rûsyeyê de tê lidarxistin lê dema civînê hîn jî nehatiye diyarkirin.

Akar eşkere kiriye ku, niha têkiliyên îstîxbaratî yên di navbera Tirkiye û Sûriyeyê de didomin û Tirkiye li ser hewldanên xwe bo normal kirina têkiliyan li gel Sûriyeyê biîsrare û bo berevanî kirin ji maf û berejwendiyên nîştimanî yên Tirkiyeyê çi lazim be, vê bikin.

Derbarê operasiyona muhtemel ya li dijî Rojavayê jî Akar diyar kiriye ku, hewldanên Tirkiyeyê bêyî rawestan didomin.