Amerîka 5 rayedarên leşkerî yên Îranê ceza dike

Navê wan xistiye nava lîsteya dorpêçan.

Wezareta xezêne ya Amerîkayê ragihand ku, jiber binpê kirina mafên mirovan biryar daye daku, 5 rayedarên leşkerî yên Îranê dorpêç bike.

Li gor daxuyaniya wezareta xezêne ya Amerîkayê, ev 5 rayedarên leşkerî yên Îranê destê wan di binpê kirina mafên mirovan û bikar anîna tundiyê li hember xwepîşanderan de heye lewre navê wan 5 kesan jî ketiye nava lîsteya dorpêçên Amerîkayê yên li dijî Îranê.

Herwiha Amerîkayê kompaniyeke din ya Îranî ya ser bi hêzên leşkerî ya Îranê jî xistiye nava lîsteya dorpêçan.