Gorgia li Hewlêrê Konsulusxaneya xwe vedike

Duhê wezîrê derve yê Îraqê ev yek eşkere kiriye.

Duhê duşem wezîrê derve yê Îraqê Fûad Husên piştî civîna xwe ya li gel balyozê Gorgia ya li Îraqê ragihand ku, Gorgia dixwaze têkiliyên xwe li gel Îraq û herêma Kurdistanê berfiretir bike û hikûmeta Gorgiayê dest bi amadekariyên vekirina Konsulusxaneya xwe ya li Hewlêrê jî kiriye.

Nav hatî diyar kir ku, gelek welatiyên Gorgi li Îraqê bi taybetî li parêzgeha Dihukê hene û derfeta berfiretir kirina têkiliyan jî di navbera her du aliyan de heye, lewre Gorgia biryar daye ku, Konsulusxaneya xwe ya li Hewlêrê jî veke.