Pêdiviya Îraqê bi 31 hezar mg elktirîkê heye

Hîn jî li Îraqê kêşeya elektirîkê nehatiye çareserkirin.

Wezîrê elektirîkê yê hikûmeta Îraqê Ziyad Elî Fazil ragihand ku, hîn jî kêşeya kêm bûna elektirîkê li Îraqê nehatiye çareserkirin.

Elî Fazil diyar kiriye ku, hîn jî Îraq nikariye di warê elektirîkê de bigehêje vê astê ku, pêdiviya xwe bi derve re nebe û hewl dide ku, vê pêdiviya han were bidest anîn.

Fazil herwiha eşkere kiriye ku, niha li Îraqê pêdivî bi 31 hezar MG elektirîkê heye daku, pêdiviya xwe bo dabîn kirina elektirîkê bi derve re nemîne.

Nav hatî diyar kiriye ku, plana wan eve daku, di havîna sala 2023an de bikaribin 24 hezar MG elektirîk berhem bînin.