Rejîma Îranê du welatiyên din yên Kurd kuşt

Duhê li piraniya bajarên Rojhilatê Kurdistanê xwepîşandan hebûn.

Duhê ku, roja çileya Jîna Emînî bû, li gelek bajarên Rojhilatê Kurdistan û Îranê li dijî rejîmê xwepîşandan dom kirin.

Di xwepîşandanên duhê yên li Rojhilatê Kurdistanê de, rejîma Îranê weke her car çek li dijî welatiyan bikaranî û di encam de du welatiyên din yên Kurd ji aliyê rejîmê ve hatin kuştin.

Yek ji wan welatiyan li Sine û evê din jî li Mehabadê bi êrîşa raste rast ya çekdarên rejîmê hatine kuştin.

Ciwanê ku, li Sineyê hatiye kuştin navê xwe Mihemed Şeîretî 21 sal û ciwanê din yê ku li Mehabdê hatiye kuştin navê xwe Îsmaîl Mewlûdiye ku, bi Simko dihat nasîn û temenê wî jî 35 sale.

Weke tê zanîn duhê bişev jî li bajarê Şîrazê ya li başûrê Îranê êrîşek pêk hatibû û di encam de 15 kes hatibûn kuştin û zêdetir ji 45 kesên din jî birîndar bibûn.