Data sentera hikûmetê hate vekirin

Serokwezîrê Kurdistan ev navenda han bi fermi vekir.

Îro Serokwezîr Mesrûr Barzanî serdana navenda teknolojiya zaniyariyan ya hikûmeta Kurdistanê kir û piştî serdanê jî Serokwezîr derbarê naveroka serdanê de wisa nivîsand;

Îro me serdana fermangeha teknolojiya zaniyarî ( DIT) ya hikûmetê kir û ji aliyê Serokê fermangehê birêz Hîwa Efendê ve hatin pêşwazîkirin.

Pişt re me serdana beşên fermangehê kir û data sentera navendî ya hikûmetê jî bi fermî vekir ku, navendeke girîng ya zaniyariyên taybet bi Fermanberên hikûmet, welatiyan, xizmetgozariyên giştî yên herêma Kurdistanê û pergaleke zaniyariyane, ev navend bi şêwazeke dîcîtalî, pêşkeftî û parastî kar dike û hevkariyeke girîng pêşkêşî dezgehên hikûmeta herêma Kurdistanê dike daku bi awayeke serdemiyane û pêşkeftî xizmetgozariyan pêşkêşî welatiyan bike.

Rixmî dest xweşî kirin ji karmendên fermangeha teknolojiya zaniyariyan, jiber karameyî û asta bilind û pêşkeftî ya fermangeha wan, me ev yek dubare kir ku, dîcîtalîzekirina xizmetgozariyan beşeke girîng ji reformên kabîneyan 9an e, ku dibe sedema pêşde birina şefafiyet, nehêştina rûtîn, birokrasî û xizmet kirina welatiyên herêma Kurdistanê bi awayeke baştir û bileztir.

Em bi vê yekê serfirazin ku xwedan, navendeke zaniyarî ya pêşkeftî ya bi vê rengî ne û ev yek cîhê kêfxweşiyê ye ku, karmend, endaziyar û pisporên ware IT yên vê fermangeha han derçûyên zanîngehên Kurdistanê ne û karîne ev navenda han ya pêşkeftî ava bikin û birêve bibin.

Ev navenda han yek ji berhemên prosesa reforman e û hevkariyeke gelek zêde pêşkêşî dezgehên hikûmet û kerta taybet û welatiyan bi giştî dike û di pêşerojê de emê berhemên vê bibînin.