Nêçîrvan Barzanî: Lazime alî û pêkhateyên Kurdistanê yekrêz bin

Di 34mîn salvegera enfala Behdînanê de peyamek bo raya giştî weşand.

Serokê herêma Kurdistanê Nêçîrvan Barzanî di 34mîn salvegera enfala Behdînanê de peyamek weşand ku ev jî tekesta vê peyamê ye:

Îro 34mîn salvegera tawana enfala Behdînanê weke qonaxa dawî ya enfalê ye, em îro ev tawana han bibîr tînin, ku ji 25ê Tebaxê destpê kir û heta 6ê Îlonê dom kir û artêşa Îraqê derheq bi pêkhateyên cuda yên Behdînanê tawaneke mezin pêk anî.

Serê rêzdariyê bo rihê paqêj yê şehîdan ditewînin û bi rêzdarî ve wan bibîr tînin û silav bo malbet û kesûkarên wan dinêrin.

Tawana enfalê ku ji Gerimiyanê vê heta qonaxa Behdînan 182 hezar welatiyên bêtawan yên Kurdistanê têde bûne qurbanî û hatin şehîdkirin, weke çawe dadgeha bilind ya tawanan ya Îraqê li mokir hatiye, genocide û tawaneke mezin ya cengiye û tawaneke dijî mirovatî, lewre lazime bilez hikûmeta federalî ya Îraqê qerebûya kesûkarên qurbaniyan bike.

Li herêma Kurdistanê jî lazime xizmeteke zêdetir ya kesûkarên qurbaniyan were kirin û tawanên han jî werin dokomêntkirin û tevahiya hewlan jî bo ku ev tawanên han li ser asta cîhanî weke genocide werin nasîn werin bitevgerkirin.

Di vê bîranîna han de tekez li ser yekrêziya aliyên siyasî û pêkhateyên herêma Kurdistanê dikin ku gerentiya yekane ya parastina mafên destûrî, destkeftiyên herêma Kurdistanê û pêşerojeke geşe bo nibşên me û dibe rêgir li berdem dûbare bûna ev tawanên ku, di dirêjahiya dîrokê de derheq bi tevahiya pêkhateyan, ax, heva û jîngeha Kurdistanê hatine kirin.

Bîranîna şehîdan hertim bilind û şikodar be, spas û rêz bo mêrxasiya xelkê Hewlêrê, Behirke û derdorê ku di nava kempên zorî ya Cejinîkan de bi hawara lêqewmiyên Behdînanê ve hatin û hevkariya wan kirin, mihiribanî û mirov dostiya wan ti carî nayê jê bîrkirin.

Serokê herêma Kurdistanê

Nêçîrvan Barzanî

25ê, Tebaxa 2022