Hikûmeta Kurdistanê teqînên Ebû Zebî mehkûm kir

Duhê êrîşî ser Ebû Zebî hatibû kirin.

Piştî ku duhê di encama êrîşan de li Ebû Zebî çend teqîn pêk hatbûn, Serokê herêmê û Serokwezîrê Kurdistanê bi peyamên cuda teqîn û êrîşên han mehkûm kirin û îro jî Waliyê Hewlêrê serdana Konsulusxaneya Îmaratê ya li Hewlêrê kir.

Waliyê Hewlêrê Omîd Xweşnav li ser navê hikûmetê û bi fermana Serokwezîr Mesrûr Barzanî ev serdana han pêk aniye.

Omîd Xweşnav di serdana xwe de hevxemiya hikûmeta Kurdistanê bo Îmaratê diyar kir û teqîn û êrîşên han mehkûm kir.

Weke tê zanîn di encama êrîş û teqînên duhê yên li Ebû Zebî de 3 kesan canê xwe ji dest dabûn û 6 kes jî birîndar bibûn.

Piştî  teqînan jî çekdarên Husî ragihandibûn ku ev êrîşên han ji aliyê wan ve hatine kirin.

N: E. G