Li Hewlêrê tîmeke dizî kirinê hate girtin

Tirimbîlê welatiyan dizî bû.

Polîsê Hewlêrê ragihand ku hêzên wan karîne tîmeke 5 kesî ya dizîna tirimbîlên xelkê binçav bikin.

Li gor daxuyaniya birêveberatiya polîsê Hewlêrê, piştî ku xwedanên çend tirimbîlan li cem wan doz vekirine û qala dizîna tirimbîlên xwe kirine, hêzên polîs jî dest bi lêkolîn kirin li ser bûyeran kirine û di encama lêkolînan de karîne dizan destnîşan bikin û bo girtina wan jî îzna qanûnî ji dadwer bistînin.

Polîsê Hewlêrê eşkere kiriye ku hêzên wan di encama operasiyonan de karîne tîmeke 5 kesî ku tirimbîlên welatiyan diziye binçav bike û niha dosyeya wan dizan amadeye vê bo darizandinê radestî dadgehê werin kirin.