Behsa rewşa siyasî ya Îraqê hate kirin.
Îro sêşem li Pîrmamê Serok Barzanî pêşwaziya balyozê Brîtanyayê yê li Bexdayê Mark Bryson-Richardson û şandeke pê re kir.
Di destpêka civînê de giftûgo li ser rewşa siyasî ya Îraqê hate kirin û balyozê Brîtanyayê tekez li ser girîngiya pêgeha herêma Kurdistanê li Îraq û deverê de kir.
Di berdewamiya civînê de nîqaş li ser reformên nava wezareta pêşmerge jî hate kirin û şanda mêwan rêzdariya xwe li hember dom kirina reforman diyar kir û hemahengiya navbera hêzên pêşmerge û artêşa federalî bi pêngaveke erênî bo dabîn kirina ewlekariyê li deverên Kurdistanî yên derveya îdareya Kurdistanê wesif kir.
Metirsî û gefên terorê li Îraq û Sûriyeyê mijarên din yên civînê bûn.
komênte (0)
heta niha komênt nehatiye nivîsandin