Li Rojhilatê 7 welatiyên Kurd hatin girtin

Duhê li Sineyê hatine girtin.

Navenda mafên mirovan ya Hengawê ragihand ku operasiyonên hêzên ewlekarî yên rejîma Îranê li dijî welatiyên Kurd didomin û di vê çarçoveyê de duhê li bajarê Sineyê 7 welatiyên Kurd hatine girtin.

Hengawê diyar kiriye ku îdareya îtlaata Îranê bi telefûn 7 welatiyên Kurd ku şêniyên bajarê Sine bûne hayedar kiriye daku serdana îdareya îtlaatê bikin bi mebesta pirsîna çend pirsan, ew welatiyên han jî bi pêyên xwe serdana îdareya han kirine lê ji aliyê îtlaatê ve hatine girtin.

Heta niha nehatiye zelal kirin ka gelo sedema giritna wan welatiyan çiye?

N: E. G