Beriya 30 salan ji destê rejîmê hate rizgarkirin.
Di çarçoveya raperîna mezin ya gelê Kurdistanê, li başûrê Kurdistanê yaku di roja 5ê Adara 1991an li Raperînê ( Raniyeyê) destpê kiribû, Kurdistanî karîn beşeke gelek mezin ji bajar, bajarok, gund û deverên curbicur yên Kurdistanê ji destê rejîma dîktator ya Besê rizgar bikin.
Di şeşemîn roja raperîna mezin de, Kurdistanî karîn bi raperîn û berxwedaneke bêhempa bajarê Hewlêrê jî weke bajarên din yên Kurdistanê ji destê rejîma dagîrker ya Besê rizgar bikin.
Heta beriya rizgar kirina Hewlêrê rejîm hîn jî hêvî dikir ku bikarêbe dîsa deverên rizgarkirî dagîr bike, lê bi rizgar kirina Hewlêrê derbeke gelek mezin û dîrokî li rejîmê ket.
Jiber ku Hewlêrê netenê bajareke mezin bû belku di warê siyasî û leşkerî de bo rejîmê girîngiya xwe hebû û gelek navendên leşkerî yên rejîmê li Hewlêrê bûn lê di roja 11ê Adarê de tevahiya wan navendan ketin destê xelkê Kurdistanê û bi vê yekê jî hêviyên rejîmê yên bo dûbare dagîrkirinê hatin binaxkirin.
N: E. G
komênte (0)
heta niha komênt nehatiye nivîsandin