Nêçîrvan Barzanî pîrozbayî li Elî Bapîr kir

Kongreya partiya wan bi dawî hatiye.

Îro Serokê herêma Kurdistanê Nêçîrvan Barzanî bi minasebeta bi dawî hatina kongreya komela îslamî (niha navê hatiye guhertin û bûye komela dadgerî ya Kurdistanê) peyameke pîrozbayî pêşkêşî Elî Bapîr kir.

Serokê herêma Kurdistanê di peyama xwe de pîrozbayiyên xwe pêşkêşî Emîrê komela dadgeriya Kurdistanê Elî Bapîr kiriye û hêviya serkeftinê ji wan re xwestiye.

Nêçîrvan Barzanî di berdewamiya peyama xwe de nivîsandiye; Rewşa niha ya Kurdistanê vê yekê dixwaze ku tevahiya aliyên siyasî bihevre û bi hest kirin bi berpirsiyartiya netewî rûbirûyê qirîz û metirsiyan bibin ku rastî Kurdistanê hatine.

Barzanî herwiha daxwaz kiriye kêşeyên heyî bi diyalogê werin çareserkirin û aliyên siyasî yên Kurdî jî bi yekdengî û yekrêzî bervanî ji maf û destkeftên gelê Kurdistanê bikin.

N: E. G