Nadiye Murad çalakvana Êzidî û rizgar bûya destê DIŞIê ye.
Îro yekşem li Hewlêrê Serokwezîr Mesrûr Barzanî pêşwaziya çalakvana Êzidî, hilgira xelata aştî ya Nobelê û rizgarbûya destê DIŞIê Nadiye Murad kir.
Di civînê de Serokwezîr Mesrûr Barzanî tekez li ser vê yekê kiriye ku hikûmeta Kurdistanê bo xizmet kirina Êzidiyan û kêm kirina êş û janên wan tevahiya karînên xwe bitevger kiriye û hewl dide jiyaneke şayiste bo wan dabîn bike û awareyên Şingalê jî bi serfirazî vegerin ser cîhên xwe.
Mesrûr Barzanî diyar kiriye ku Êzidî pêkhateyeke resen ya gelê Kurdistanê ne û Kurdistan hertim piştîvanî ji daxwaz û famên wan yên reva kiriye û berdewam dibe li ser vê yekê û got: Bo rizgar kirin û azad kirina Şingalê jî bi sedan pêşmerge canê xwe feda kirin lewre lazime rewşa Şingalê were normalkirin û aramî jî vegere deverê.
Di civînê de Nadiye Murad jî tekez li ser vê yekê kiriye ku lazime hewldanên heyî yên bo Êzidiyên revandî di destê DIŞIê de berdewam bin û gotiye: Lazime rêkeftina Şingalê jî were cîhbicîhkirin daku aramî vegere Şingalê û ewlekariya deverê jî were parastin.
N: E. G
komênte (0)
heta niha komênt nehatiye nivîsandin