Li Bakur û Rojhilatê Sûriyê 14 kesên din bi koronayê ketine

Desteya Tendirostiyê ya Rêveberiya Xweser ragihand ku îro li Bakur û Rojhilata Sûriyê 14 kesên din bi vîrusa koronayê ketine û 4 kes jî baş bûne.

Hevserokê Desteya Tendirostiyê ya Rêveberiya Xweser a Bakur û Rojhilata Sûriyê Ciwan Mistefa diyar kir ku kesên bi koronayê (Covid-19) ketine 8 mêr û 6 jin in û li van herêman in:

Hesekê: 1

Qamişlo: 1

Dêrik: 2

Çilaxa: 1

Reqa: 7

Tebqa: 2

Ciwan Mistefa anî ziman ku ji nav nexweşên koronayê 4 kes jî baş bûne û tu kesî jiyana xwe ji dest nedaye.

Bi van daneyan hejmara giştî ya pêketiyên vîrusa koronayê li Bakur û Rojhilata Sûriyê gihaşt 8 hezar û 490 kesî; ji wan 296 kesan jiyana xwe ji dest daye û hezar û 216 kes baş bûne.

Ji anhayê hatiye wergirtin.

N: E. G