Artêşa Tirkiyê gundên Şêrawa ser bi Efrînê ve topbaran kir

Topxaneya artêşa Tirkiyê şeva borî,  çend gundên navçeya Şêrawa ser bi herêma Efrînê topbaran kir.

Li gor çavkaniyên xwecihî, topxaneya Tirkiyê her yek ji gundên Merhenaz, Malikiyê û Şewarxe li nevçeya Şêrawa ser bi herêma Efrînê topbaran kirine.

Hersê gundên navborî ku li bakurê rojhilatê bajarê Efrînê dikevin li jêr destê hêzên kurdî ne û car bi car rastî topbaran hêzên Tirkiyê û komên cîhadî ên Sûriyê tên.

Heta niha ti zaniyarî derbarê zirarên topbarana han de nehatine bidestxistin.

N: E. G