Li Almanyayê, bi piştgiriya Serok Mesûd Barzanî û bi armanca yekdengiya Kurdên her çar parçeyên Kurdistanê yên li diyasporayê, Navenda Diyasporaya Kurdî (Kurdish Diaspora Center) tê damezrandin.
Armanca Navenda Diyasporaya Kurdî; çareserkirina pirsgirêkên Kurdan yên di warên dadî, civakî, perwerdehî, çandî, siyasî ye û xabetên lobî ye.
Li gor Berpirsyarê Navendê yê ku ji aliyê Serok Mesûd Barzanî ve hatiye peywirdarkirin Tahir Hewramî diyar kir; her kes û her rêxistina ku Alaya Kurdistanê nas dike, wek alaya xwe dizane û xebata rizgariya Kurdistanê dike, dikarin di nav Navenda Diyasporaya Kurdî de cîh bigire. Navenda Diyasporaya Kurdî wê ne di bin desthilatdariya çi partiyekê be û yekane merca wan jî naskirina Alaya Kurdistanê ye.
Herwiha Tahir Hewramî di berdewamiya axavtina xwe de destnîşan kir, dema navendeke nûnertiya Kurdên li derveyî welat hatiye, çawa ku Cihû, Ermen û Yûnanan bi heman şêweyê xwe li Ewropa bi rêxistin kirine.
Wê cihê sereke yê Navenda Diyasporaya Kurdî li Almanyayê be, lê li Holanda, Belçîka, Fransa, Awûstûrya û Fînlandiya jî wê dezgeh bêne damezrandin û yekdengiya Kurdên her çar parçeyan pêk bîne.
Ji peyamakurd hatiye wergirtin.
N: E. G
komênte (0)
heta niha komênt nehatiye nivîsandin