Serok Mesûd Barzanî jiber hatina cejna Qurbanê peyameke pîrozbayî pêşkêşî raya giştî kir ku ew jî tekesta wê peyamê ye;
Bi navê xwedê mezin û mihriban
Bi minasebeta hatina cejna pîroz ya Qurbanê gerimtirîn pîrozbayiyên xwe pêşkêşî tevahiya misilmanên Kurdistan, Îraq û cîhanê dikim.
Pîrozbayî li malbetên serfiraz yên şehîdan, pêşmergeyên qehreman û tevahiya welatiyên hêja dikim û hêvî dikim ew cejna han bibe sedema xweşî, bereket û aştî li Kurdistan, Îraq û deverê.
Di demekê de pêşwaziya cejnê dikin ku gelê me rastî çend metirsiyên mezin yên siyasî, abûrî û tendirostî bûye, ew metirsî û arîşeyên han çavkaniya beşa herî zêde ya wan kêşe û astenganên ku aramiya siyasî û rewşa jiyana xelkê Kurdistanê dikin amanc.
Ji bo derbas kirina wan metirsiyan û ew rewşa dijwar erkê her aliyekê ye ku ber bi yekrêzî, biratî, karê hevbeş û bihêztir kirina çanda bihevre jiyanê gavan bavêje. Rixmî ku gelek spasiya xelkê Kurdistanê dikim ku di nava tevahiya pêvajoyan de li hember metirsî û dijwariyan berxwe daye, cejna Qurbanê jî bi derfet dizanim daku daxwaz ji tevahiya aliyên siyasî yên Kurdistanê bikim daku ji bo berejwendiyên bilind yên welat û çareser kirina kêşe û çareserkirina kêşeyan li gel hev û du bicivin,
Lazime ew yek hertim di bîra me de be ku bi yekrêzî kêşeyên heyî baştir tên çareserkirin û di sêya bihevre bûn û yekrêziyê de destkeftên mezin bo gelê me hatine bidestxistin, bêgoman gelê Kurdistanê jî tenê wê yekê ji aliyên siyasî dixwaze, jiber wê çendê daxwaz dikim tevahiya aliyên siyasî xwestek û daxwazên xelkê li ber çav bigirin û di heman demê de jî çanda bilind û zengîn ya Kurdewarî biparêzin û xwe ji gotar û gotinên nebaş li hember hev û du bidûr bigirin.
Herwiha bi wê minasebetê lazime spasiya ked û xebatên karmendên tendirostî, pêşmerge, asayî, polîs û ragehandinê bikim ku ji roja yekem ya belav bûna Koronayê li Kurdistanê de, bo hevkarî kirina xelkê û cîhbicîh kirina şîretên tendirostî û bilind kirina asta hişiyariya tendirostiya xelkê ked û zexmeteke gelek mezin dane, bikim.
Cejna tevahiya aliyan pîroz be, hêviya bextewerî û xweşiyê bo we dixwazim.
Mesûd Barzanî
30 Tîrmeha 2020
komênte (0)
heta niha komênt nehatiye nivîsandin