Jiber bordimana Tirkiyeyê xaniyên welatiyan şewitîn

Artêşa Tirkiyeyê berdewame li ser topbaran û bordiman kirina deverên sînorî yên Kurdistanê.

Peyamnêrê Kurdistantv yê li devera Sîdekanê ragihand ku îro balefirên artêşa Tirkiyeyê jiber hebûna pêgeh û cîhên gerîlayên pkkê li deverê de, gundê Mêrge Reş ya ser bi Sîdekanê bordiman kiriye.

Li gor zaniyariyên ku peyamnêrê ma dane, di encama bordimana han de agireke gelek mezin bi deverê ketiye û çend malên welatiyan û li gel rûbereke zêde ji bax, bistan, rez û daristanên deverê jî di encama bordimanê de şewitîne.

Peyamnêrê me diyar kiriye ku piştî bordiman kirina gundê ji aliyê balefiran ve, kopterên artêşa Tirkiyeyê jî derdorê gundê bi tundî topbaran kirine û pişt re jî topxaneyên Tirkiyeyê dîsa gund topbaran kirine.

N: E. G