18 gundên din hatin vala kirin

Jiber şerê navbera PKK û artêşa Tirkiyeyê dîsa li parêzgeha Dihukê hijmareke gund hatin valakirin.

Li gor zaniyariyên berdest jiber dubare destpê kirina şer û pevçûnên navbera PKK û artêşa Tirkiyeyê li deverê de û herwiha dom kirina bordiman kirina wan deveran ji aliyê artêşa Tirkiyeyê ve, di nava 6 rojan de 18 gund li sînorê parêzgeha Dihukê ji aliyên şêniyan ve hatine valakirin û şêniyên wan gundan bo deverên din bar kirine.

Piraniya wan gundan li devera Şêladizêne û şêniyên wan yan hatine Şêladizê anjî çûne deverên din.

Di 20 salên derbazbûyî de jiber şer û operasiyonên navbera PKK û Tirkiyeyê 520 gundên deverê hatibûn valakirin.

Weke tê zanîn beriya du rojan jî artêşa Tirkiyeyê welatiyên silîv bordiman kiribû û di encama bordimanê de 4 welatiyên sivîl canê xwe ji dest dabûn.

N: E. G