Serokwezîr hêvî dike meha Remezanê meha xêr û xweşiyê be

Serokwezîrê Kurdistanê Mesrûr Barzanî bi minasebeta hatina meha Remezanê peyamek pêşkêş kir ku ev jî tekesta vê ye;

Bi minasebeta hatina meha pîroz ya Remezanê, pîrozbayiyên xwe pêşkêşî misilmanên Kurdistan û cîhan dikim, hêvî dikim meha xêr, bereket û rehmet be û xwedê mezin û dilovan, rûjû û îbadetên tevahiya aliyan qebûl bike.

Liwir pêwîste spasiya Mamosteyên olî yên herêma Kurdistanê bikim ku bo hevkarî kirin û cîhbicîhkirina şîretên tendirostî yên bo rûbirû bûna Koronayê roleke berçav lîstine, daxwaz ji wan jî dikim daku berdewam bin li ser şîret kirina welatiyan bo parastina xwe û civakê ji Koronayê.

Hêvî dikim meha Remezanê bibe sedema xêr û xweşiyê bo tevahiya aliyan.

Serokwezîrê herêma Kurdistanê

Mesrûr Barzanî